Diessinku aña pasá, enseñansa na Boneiru, Saba i Sint Eustatius a bira parti di e sistema di enseñansa hulandes. Dia 13 di aprel próksimo e Konseho lo publiká un análisis amplio di e funshonamentu di e sistema di enseñansa hulandes na Boneiru, Saba, i Sint Eustatius. Te na ki grado por duna enseñansa di kalidat na e islanan den kuadro di e sistema ei?
Dia 10 di òktober 2010 Boneiru, Saba, i Sint Eustatius a bira parti di Hulanda. Minister Hulandes di Enseñansa, Kultura i Siensia (OCW) a bira responsabel pa enseñansa na Boneiru, Saba, i Sint Eustatius. Enseñansa na e islanan asina ta forma un parti integral di e sistema di enseñansa hulandes, i gobièrnu hulandes for di e tempu ei ta karga mesun responsabilidat pa un bon enseñansa na Hulanda Europeo i Karibense.
Den e añanan despues di e kambionan konstitushonal, instansianan gubernamental i organisashonnan di enseñansa a enfoká hopi riba bottlenecknan individual i urgente ku tabata rekerí ahustenan inmediato. E kambionan mas signifikante awor a wòrdu implementá. A optené eksperensia den dunamentu di enseñansa i ku implementashon di maneho di enseñansa riba e islanan den kuadro di e sistema di enseñansa hulandes.
Ku e publikashon aki, e Konseho, riba petishon di Minister di Enseñansa, Kultura i Siensia (OCW), ta proveé un análisis amplio di e funshonamentu di e sistema di enseñansa hulandes na Boneiru, Saba, i Sint Eustatius.
E publikashon ta konsistí di tres parti:
- Parti A: Konklushonnan i rekomendashonnan
- Parti B: Temanan resaltá na Boneiru, Saba i Sint Eustatius
- Parti C: Informashon di fondo
E publikashon lo keda publiká na tres idioma (Hulandes, Ingles, i Papiamentu) riba djaluna 13 di aprel próksimo pa 14:30 riba www.onderwijsraad.nl.