Konseho ta invitá kordialmente partidonan envolví na Hulanda Karibense pa un reunion dia 16, 20 òf 23 di aprel en konekshon ku e próksimo publikashon tokante enseñansa na Hulanda Karibense. Dia 13 di aprel próksimo e Konseho lo publiká un análisis amplio di e funshonamentu di e sistema di enseñansa hulandes na Boneiru, Saba, i Sint Eustatius. Te na ki grado por duna enseñansa di kalidat na e islanan den kuadro di e sistema ei?
Dia 10 di òktober 2010 Boneiru, Saba, i Sint Eustatius a bira parti di Hulanda. Minister Hulandes di Enseñansa, Kultura i Siensia (OCW) a bira responsabel pa enseñansa na Boneiru, Saba, i Sint Eustatius. Enseñansa na e islanan asina ta forma un parti integral di e sistema di enseñansa hulandes, i gobièrnu hulandes for di e tempu ei ta karga mesun responsabilidat pa un bon enseñansa na Hulanda Europeo i Karibense.
Konseho di Enseñansa ta organisá un reunion na kada isla en konekshon ku e publikashon tokante enseñansa na Hulanda Karibense. Durante e reunion aki, presidente Louise Elffers, miembro di konseho Susan te Pas, i lider di proyekto Talitha Stam lo duna splikashon. Tambe lo tin konversashonnan ku partidonan envolví, inkluyendo gezaghebber, diputado, Ministerio di Enseñansa, Kultura i Siensia (OCW), atministradónan di skol, lidernan di skol, dosentenan, alumnonan i studiantenan. E reunion lo terminá ku algu di bebe (borrel).
Porta ta habri 15:30, despues di kua e reunion ta kuminsá 16:00 y terminá 18:30. E reunionnan lo tuma lugá riba e siguiente fechanan:
- Sint Eustatius riba 16 di aprel
- Saba riba 20 di aprel
- Boneiru riba 23 di aprel
Registrá
Por registrá via e lenk aki.