Estado aktual di Edukashon Hulanda Karibense
For di 1 di yanüari 2011 skolnan, direktivanan di skol i instanshanan di enseñansa den Hulanda Karibense (Boneiru, Sint Eustatius i Saba) ta forma parti di e sistema edukativo Hulandes. Esaki a resultá den maneho, investigashonnan i evaluashonnan nobo. Pensa riba adaptashonnan di leinan di enseñansa, akuerdonan administrativo pa mehorashon di enseñansa, investigashonnan di Inspekshon di Edukashon tokante kalidat di enseñansa, investigashon tokante oportunidatnan i riesgonan pa studiantenan di Karibe den Hulanda Europeo, i diferente investigashonnan tokante pobresa den Hulanda Karibense.
Ta spera promé trimèster di 2026
Riba petishon di Ministernan Konseho di Enseñansa ta trahando riba un Estado aktual di Edukashon Hulanda Karibense. Esaki ta inventarisá investigashonnan, evaluashonnan i maneho eksistente. Ademas lo sigui eksplorá mas tema. E pregunta sentral den esaki ta kiko Hulanda Europeo por siña di Hulanda Karibense i tambe vice versa. Den henter e trayekto Konseho di Enseñansa ke traha estrecho ku partnernan di enseñansa den Hulanda Karibense.
E Estado aktual di Edukashon Hulanda Karibense ta wòrdu sperá promé trimèster di 2026.